Mae Kelly'n is-gadeirydd elusen ar gyfer pobl ddigartref, sy'n darparu eitemau hanfodol i bobl fregus yng Nghaerdydd. Bu’n gweithio am gyfnod yn nhafarn y Clifton er mwyn dod i nabod pobl yr ardal – rhywbeth roedd yn gweld ei eisiau ar ôl symud o ganolbarth Cymru. A hithau wedi symud i Adamsdown o ardal wledig, mae Kelly'n sylweddoli y gall byw mewn dinas fod yn brofiad unig ac mae'n awyddus i rymuso pobl i feithrin cysylltiadau newydd ac i ymwneud â'i gilydd mewn ffordd gynaliadwy.