ysbrydoli'r profiadau gorau a newid bywydau
Mae'ch cefnogaeth chi'n creu gwaith syrcas cyfoes dadlennol ac ysbrydoledig ac mae'n rhoi profiadau trawsnewidiol i gynulleidfaoedd a chymunedau gartref a thramor. Rydym yn creu cynyrchiadau newydd radical sy'n amgylcheddol gynaliadwy. Ymdrechwn i fod yn arloeswyr artistig ym mhopeth a wnawn, gan wthio ffiniau'r gelfyddyd hyfryd hon. Gwyddom fod syrcas a pherfformio'n gallu ysbrydoli, chwalu rhwystrau, hybu newid a thaclo’r argyfwng hinsawdd. Mae syrcas yn gelfyddyd gorfforol a gweledol sy'n hygyrch i bob diwylliant, dosbarth a chyd-destun.
Gyda’ch cefnogaeth chi, rydym yn cyflwyno prosiectau ymgysylltu cymunedol sy'n unigryw ac yn drawsnewidiol, gan gyrraedd y rhai sydd â’r angen mwyaf a buddsoddi mewn cefnogi ac ysbrydoli’r genhedlaeth nesaf o artistiaid syrcas.
Rydym yn harneisio grym ein hamrywiaeth – pobl gyffredin yn gwneud pethau rhyfeddol.
Mae'ch cefnogaeth chi'n ein helpu i feithrin cysylltiadau newydd â phob math o fudiadau cymunedol a chydweithwyr creadigol fel y gellir parhau i herio canfyddiad y cyhoedd o beth yw syrcas, ar gyfer pwy y mae, a beth y gall fod. I NoFit State, mae syrcas yn fwy na math o gelfyddyd, mae’n ffordd o fyw. Credwn mai'r ffaith bod aelodau'r cwmni'n cydweithio, yn cyd-fyw, yn cyd-deithio, yn cydfwyta ac yn cydanadlu sy'n rhoi calon ac enaid i'n gwaith.
Cefnogwch ni HEDDIW i greu gwaith gwych a newid bywydau
Os hoffech ragor o wybodaeth, cysylltwch ag:
Suzy Knott, Rheolwr Datblygu or Chieh-Ju Yang, Swyddog Datblygu
