BAMBOO

BAMBOO

Cynhyrchiad syrcas trawiadol, sgilgar sy’n defnyddio dim ond bambŵ a chyrff pobl - gan ddangos breuder a harddwch ein bywydau rhyng-gysylltiedig ar y blaned hon.

Mae'r artistiaid yn cyrraedd llwyfan gwag ac yn defnyddio sgiliau syrcas i adeiladu cerfluniau tal sy'n newid, yn addasu ac yn troi'n faes chwarae cywrain, annisgwyl.

Mae artistiaid syrcas ac acrobatiaid sydd gyda'r gorau yn y byd yn meddiannu’r strwythurau sy’n plygu ac yn gwyro, gan ychwanegu at y tensiwn, y drama, a’r ymdeimlad o berygl sydd wrth galon y sioeau syrcas gorau. Dyma berfformiad ystyrlon, llawen, gyda cherddoriaeth fyw, comedi a champau sy'n dangos nerth ac ystwythder rhyfeddol. Rydym yn dathlu’r hyn sy’n bosibl pan fydd bodau dynol a byd natur yn ymddiried yn ei gilydd ac yn gweithio mewn cytgord.

Mae BAMBOO yn bartneriaeth rhwng NoFit State, Imagineer ac Orit Azaz. Mish Weaver sy'n cyfarwyddo. Cafodd ei greu gyda chefnogaeth Cyngor Celfyddydau Cymru, The Foyle Foundation, a Without Walls, a'i gomisiynu gan Stockton International Riverside Festival, Norfolk & Norwich Festival, Hat Fair, a Timber Festival.

Datblygwyd BAMBOO allan o brosiect ar y cyd rhwng Imagineer, Orit Azaz a NoFit State er mwyn archwilio pa strwythurau, straeon a pherfformiadau syrcas y gellir eu creu â

bambŵ wedi’i dyfu yn y Deyrnas Unedig. Os hoffech wybod mwy, ewch i dudalen Ymchwil a Datblygu Bamboo Circus.

Mae BAMBOO ar gael i deithio yn 2025 a'r tu hwnt. Os hoffech wybod rhagor, ebostiwch Dann.

CREDITS

Mish Weaver - Cyfarwyddwr
Tom Rack ac Orit Azaz - Cyd-Gyfarwyddwyr Artistig
Tarn Aitken - Pheiriannydd Syrcas
Dann Carroll – Cynhyrchydd
Rhi Matthews – Dylunydd Gwisgoedd
Hannah Hunter - Rheolwr Llwyfan Rihyrsal
David Insua-Cao  – Cerddoriaeth a Chyfansoddi

Cwmni perfformio 2024
Felix Fogg
Guillem Fluixa Martí
Laura Moy
Lily Riseley-Prichard
Nicoló Marzoli
Rosa-Marie Schmid